Gibulgar sa ubay-ubay’ng mga kanhi sakop sa Philippine Marines ang sistema pag-deliver sa mga maleta nga ‘kickback money’ aron ipanghatod sa pipila ka dagkong mga politiko.
Kini human gilatid nila sa sinumpaan nga pahayag ug giyagyag sa ilang abogado nga si Atty Levito Baligod sa pag-atubang nila sa prensa sa kauluhan kaganihang buntag.
Gisaysay ni Baligod nga ang maong kanhi mga sundalo mga kauban ni retired Philippine Marine Staff Sgt Orly Guteza kinsa una nang mibulgar sa ‘maleta delivery’ nga puno sa daghang kuwarta ngadto sa dagkong mga politiko sa nasud.
Gisaysay nila nga ayha ma-deliver ang mga salapi,iphon una kini sa sinaligan ni kanhi Ako Bicol partylist Rep. Zaldy Co ug subli isulod sa mga maleta ug tagsa-tagsa ipanghatod sa angay hatagan.
Nasulti usab sa mga kanhi sakop sa Philippine Marine Corps nga adunay mga higayon nga anaa sa unom ka container vans ang magamit nila sa pagpanghatod ug isakay usab sa helicopter ingon man eroplano.
Nagkauyon ang maong kanhi mga sakop sa armadong kusog nga taliwala nga retirado na sila sa serbisyo apan subli sila magpaka-sundalo tungod ug alang sa katawhan sa nasud.
Hisayrang si Guteza ang kalit nahilom kay subay sa nasayran ni Baligod, pugsanon kining gipahimo’g affidavit aron ipabakwi ang iyang mga nabulgar nga nalambigit si Pres Bongbong Marcos ug kanhi House Speaker Martin Romualdez sa lapad nga kickbacks gikan sa mga pondo sa flood control project scandal.
