Gi-aresto sa kapulisan sa London si Peter Mandelson, kanhi British ambassador sa United States, tungod sa suspetsa sa “misconduct in public office” nga may kalabotan sa iyang koneksyon sa sex offender nga si Jeffrey Epstein.
Hisayran nga ang 72-anyos nga si Mandelson, misibya gikan sa iyang posisyon niadtong Septyembre 2025 human masuta ang giladmon sa iyang pakig-uban kang Epstein.
Subay niini, gisugdan sa kapulisan ang imbestigasyon human ang gobyerno ni United Kingdom Prime Minister Keir Starmer mipasa sa komunikasyon tali ni Mandelson ug Epstein.
Sa London, daghang katawhan ang nagpakita sa kasuko ug kabalaka, nagduda sa kapabilidad sa mga awtoridad sa pag-panubag ug nag-awhag sa mas klaro nga pag-pangatarungan ug hustisya. (Phillip Ariata)
