Namatay na ang pinakataas nga religious ug political leader sa Iran. Kini ang gibutyag ni Israeli Prime Minister Benjamin Netanyahu human nila gilusad ang “Operation Roaring Lion” uban ang tropa sa Amerika.
Unang gi-atake sa mga sundalo ang compound ni Iran Supreme Leader Ayatollah Ali Khamenei sa Tehran, ug siya napatay uban ang mga inilang personalidad nga nagpadagan sa ilang nuclear enrichment program.
Namahayag ang primo ministro nga daghang indikasyon nga naapektuhan ang tanan kalihukan sa Iran human milampos ang ilang joint military operation sa pagpatay kang Khamenei ug pagparalisar sa lihok sa mga sundalo sa Iran.
Subay niini, nagpasalamat si Netanyahu kang United States President Donald Trump alang sa lig-on nga alyansa ug miingon nga ang relasyon sa duha ka nasud anaa sa “all-time high”.
Gipangayo usab niya sa mga Iranian nga gamiton ang kahigayunan aron pahawaon sa poder ang malupigon nga rehimen ug maghatod sa tinuod nga kalinaw sa Middle East. (Phillip Ariata)
