Gisaway ni Wilson Amad, convenor sa Peoples Constitutional Reform Initiative (UPI), ang mga bangko sa Pilipinas tungod sa giingong pagkahimong instrumento sa korapsyon ug money laundering.
Sumala ni Amad, posible nga makasulod sa sistema sa bangko ang mga malemaletang kuwarta tungod kay dili klaro ang tinubdan sa ubang ginadeposito nga pondo.
Matud pa niya, dili kaayo istrikto ang ubang bangko sa pag-ila kung asa naggikan ang kuwarta basta adunay depositor nga magbutang og kantidad sa ilang account.
Busa, iyang gisugyot nga kinahanglang masusi pag-ayo ang mga deposito nga magsugod sa 500,000 pesos pataas ug pangayuan og dokumento sama sa resibo gikan sa Bureau of Internal Revenue aron mapamatud-an ang legal nga gigikanan sa kuwarta.
Dugang pa niya, ang mga bangko kinahanglan usab maglakip sa ilang mga forms og bahin diin ipadayag sa depositor kung adunay third party contributors sa deposito, lakip ang tibuok ngalan ug kahimtang sa maong kontribyutor.
Sa pagkakaron, wala pa’y opisyal nga tubag gikan sa han-ay sa mga bangko kalabot sa maong pahayag. (James Oliver)
