Gipahimangnoan sa Department of Social Welfare and Development (DSWD) pinaagi sa National Authority for Child Care (NACC), ang mga social media platforms sama sa Meta nga mas hugtan ang pag-bantay batok sa “online baby selling” ug ilegal nga adoption groups.
Sumala ni National Authority for Child Care Assistant Secretary Rowena Macalintal nga nakig-alayon na ang ahensya sa Philippine National Police (PNP) ug Women and Children Protection Center aron masuta ang mga Facebook groups nga nagabaligya sa bata o nagapasigarbo sa online adoption.
Ang presyo sa mga sanggol giingong naglangkob gikan P8,000 hangtod P130,000, ug adunay grupo nga adunay kapin 13,000-ka miyembro.
Gipahimangnoan usab ni Macalintal nga manubag sa balaod ang mga sellers ug buyers tungod kay ilegal ang online adoption sa Pilipinas. (JANE ABULAG)
