Nagkatigum ang mga tawo sa Washington, D.C. aron ipakita ang ilang pagsupak sa giingong pag-atake sa Estados Unidos ug Israel batok sa Iran.
Duha ka nag-unang grupo ang nangulo sa rally, nagdala og mga placard ug misinggit og mga slogan sama sa “No bombs on Iran.”
Sumala sa mga organizer, ang tumong sa protesta mao ang pagpakita sa halapad nga kasuko sa publiko batok sa giyera ug ang pag-awhag sa diplomatikong solusyon.
Ang demonstrasyon kabahin sa mas lapad nga internasyonal nga reaksyon sa mga kalihokan militar sa Middle East.
Samtang wala’y nareport nga bayolenteng insidente, ug nagtapos kini nga malinawon sa hapon kagahapong adlawa. (Jane Abulag)
