Libo-an ka pasahero ang na-stranded human nagsira ang daghang airspace ug nakansela ang mga flight tungod sa military strikes ug nagkakusog nga tensiyon sa Middle East.
Apektado ang dagkong airport sama sa Dubai, Abu Dhabi, ug Doha.
Ang mga pasahero nga gikan sa Hong Kong, Dhaka, ug Delhi naglisod tungod sa kanselado nga mga flight, daghang tawo sa terminal, ug walay kasiguroan kung kanus-a mobalik ang serbisyo.
Ang mga gobyerno ug airline naningkamot nga matabangan ang mga pasahero pinaagi sa rebooking o pagpangita og lugar nga kapuy-an samtang naghulat, apan walay klarong timeline kon kanus-a mobalik ang normal nga operasyon sa mga flight.
Padayon nga grabe ang epekto niini sa global travel networks hangtod wagtangon ang mga airspace restrictions. (Jane Abulag)
