Gitin-aw sa Armed Forces of the Philippines (AFP) nga walay epekto sa Pilipinas ang giyera sa Middle East.
Kini ang gikompirmar ni Rear Admiral Roy Vincent Trinidad, tigpamaba sa AFP para sa West Philippine Sea.
Miingon si Trinidad nga layo ra ug dili ma abot sa projectile sa missile sa Iran ang Pilipinas.
Iyang gipasabot ang publiko nga ang gubat nakasentro lang Gulf Region o mga nasud sa mga arabo
Gibutyag usab niini nga walay proxy state ang Iran sa Southeast Asia nga makahatag ug hulga sa nasud.
Gibutyag usab sa admiral nga dili ‘credible target’ ang Pilipinas tungod kay ang mga opensiba nakatutok sa Gulf states, ug ang mga Enhanced Defense Cooperation Agreement (EDCA) sites nagpabilin nga pagpanag-iya sa Pilipinas, ug dili mga base militar sa langyaw.
