Nagtoo ang grupong Peoples Constitutional Reform Initiative (PCRI) nga nagkinahanglan na ang nasud sa 3rd party aron magmonitor sa nakalain-lain nga mga problema sa administrasyon.
Namahayag ang ilang convenor nga si Wilson Amad, ang Simbahang Katolika ang labing angay nga muhawid niini tungod sa taas nga integridad ug kredibilidad nga gisaligan sa publiko.
Ang Simbahan, matod pa niya, mahimong magpatunga sa pagbantay sa mga transaksyon, ilabi na sa sektor pinansyal ug bangko, aron masuta ang pagkamatinud-anon sa mga depositor ug sa mga institusyon.
Pinaagi sa maong mekanismo, masiguro ang transparency ug accountability sa mga kalihokan nga adunay dakong epekto sa ekonomiya sa nasud.
Nagpahinundom usab si Amad nga isip kabahin sa Simbahang Katolika, dili angay nga mawad-an sa paglaom ang katawhan sa taliwala sa nagkalain-laing hagit nga giatubang sa gobyerno.
Ang pag-apil sa Simbahan, ingon niya, usa ka paagi aron mapalig-on ang pagsalig ug paglaom sa katawhan.
