Gisaway ni Senador Erwin Tulfo ang mga opisyal ug kawani sa Department of Foreign Affairs (DFA), Department of Migrant Workers (DMW), ug Overseas Workers Welfare Administration (OWWA) nga nakatalaga sa Middle East tungod sa kakulang sa dali nga pagtubag sa mga Overseas Filipino Workers (OFW) taliwala sa tensyon ug giyera sa rehiyon.
Sumala sa senador nga adunay mga OFWs nga misumbong nga walay motubag sa emergency hotlines sa mga ahensya bisan pa gusto nilang mangayo sa tabang aron makapauli sa Pilipinas.
Bisan pa nga giila ni Tulfo ang kahadlok sa mga opisyal, iyang gi-insistir nga responsibilidad nila ang pag-serbisyo tungod kay mas nanginahanglan sa tabang ang mga Pilipino sa Middle East.
Dugang pa niya, kon dili nila kaya ang ilang obligasyon sa kasamtangang krisis, mahimo silang mobiya sa puwesto sa dihang mahupas na ang tensyon sa rehiyon. (Phillip Ariata)
