Gipukan sa North Atlantic Treaty Organization (NATO) air defenses ang usa ka Iranian ballistic missile nga misulod sa Turkish airspace, diin mao kini ang unang higayon nga nalakip ang Turkey sa kasamtangang giyera sa Middle East.
Ang Turkey, nga silingan sa Iran ug kaniadto misulay sa pag‑mediate sa US-Iran talks, mipahimangno sa tanang partido nga likayan ang mga lihok nga makapadugang sa eskalasyon.
Posible nga gamiton sa Ankara ang NATO Article 4 tungod sa airspace breach, nga mahimong mosangpot sa Article 5 nga nagmando sa tanang miyembro sa alyansa nga motabang sa depensa.
Sa kasamtangan, wala pa naklaro kon asa padulong ang missile, apan gikondena sa NATO ang Iran ug mipahayag nga lig-on ang suporta sa Turkey ug sa tanang kaalyado niini.-(Phillip Ariata)
