Mihalad sa pag-ampo ang Santo Papa sa Roma aron mahupay na ang tensyon sa Middle East ug uban pang bahin sa kalibutan.
Sa labing lab-as nga “prayer for peace” ni Pope Leo XIV, iyang gi-ampo nga mahulipan ang kalagot sa dayalogo, ug ang mga lideres magpinasaylu-anay ang tanan managbangi nga partido.
Iyang gihangyo sa Kahitas-an nga i-abandonar sa mga lideres ang proyektong kamatayan o “Projects of Death”, ilabe na ang nuclear activity.
Nangaliyupo sa pag-ampo ang Santo Papa nga ang ang tanan nuclear nga proyekto, dili maoy mudiktar sa kaugman sa katawhan sa kalibutan.
Dili matago ni Santo Papa Leon ang iyang kabalaka sa daghang maipit nga sibilyan nga kanunay kolateral nga damyos sa gubat.
Nakighiusa usab kini sa kasub-anan sa mga pamilyang namatyan gumikan sa binayluay sa mga missiles ug raketa ilabe sa Iran ug uban pang mga nasud sa Gulf region.
Una niini, gitin-aw sa Santo Papa nga ang misyon sa simbahan mao ang pagpasulabi sa kalinaw ug wala siyay dapigan kundili ang kalinaw lamang.
