Gipamugos ni Vice President Sara Duterte nga walay gihimo nga kahiwian ang Office of the Vice President (OVP).
Gihimo ni VP Sara ang katin-awan human sila makadawat sa duha ka managsunod nga Audit Observation Memorandum (AOM) gikan sa Commission on Audit (COA).
Ang unang AOM migawas niadtong Oktubre 3, 2023, diin giingon sa bise presidente nga tumong niini mao ang pagpangita og ebidensya kung aduna bay pag-abuso sa pondo sulod sa OVP.
Sa ikaduhang higayon, nakadawat ang OVP sa “unmodified opinion” gikan sa COA, nga nagpamatuod nga walay salapi sa katawhan nga nakurakot, sukwahi sa giduso nga mga pasangil, nga maoy gigamit isip basihanan sa impeachment batok kaniya.
Subli, mitin-aw ang bise presidente nga igo ra nanarbaho ang iyang mga tawo sa OVP ug wala kini misulod sa bisan unsang kahiwian.
