Gipahimangnoan ang mga molupyo sa baybayon sa estado sa Veracruz ngadto sa Mexico tungod sa paglutaw sa lana sa lokal nga mga baybayon nga nakasamok sa ilang panginabuhi ug posibleng makapollute sa duol nga lanaw diin sila nagbuhi sa isda ug hipon.
Ang mga residente sa Jicacal nag-organisar sa paglimpyo sa mga baybayon samtang nagpadayon ang pagkatibulaag sa lana sa baybayon, apan wala pa makahatag sa klarong tubag ang mga awtoridad sa hinungdan sa insidente.
Subay niini, namahayag ang kompanya nga Pemex nga walay tulo gikan sa ilang mga pasilidad, bisan pa sa daghang insidente sa miaging mga tuig lakip na ang 2.7-milyon ka litro nga lana nga nakuha sa suba sa Pantepec niadtong Oktubre.
Ang mga baryo sa Jicacal ug Las Barrillas nailhan tungod sa mga fishing spots ug tourist destinations niini kondiin miingon ang mga lokal nga negosyante nga kinahanglan nga mahuman ang paglimpyo aron mubalik ang mga turista sa lugar. (By Phillip Ariata)
