Usa ang Pilipinas sa maigo sa grabeng krisis sa ekonomiya kung magpadayon ang tensyon sa Middle East.
Kini ang nakita ni Joey Pelaez, kanhi bise gobernador sa Misamis Oriental ug ekonomista.
Siya miingon nga kinahanglan mangandam ang publiko sa posibleng epekto sa kagubot sa Middle East sa suplay sa pagkaon.
Gibutyag ni Pelaez nga tungod kay ang Pilipinas nagasalig sa importasyon, ang disruption sa global food supply mahimong mosangpot sa kakulang ug pagsaka sa presyo.
Busa iyang gi-awhag ang katawhan nga magsugod og tanom bisan sa gagmay nga lugar aron adunay kaugalingong suplay.
Ang maong lakang makatabang sa mga panimalay ug sa nasud aron malikayan ang dakong epekto sa krisis sa global supply chain.
