Kinumpirmar ni Senate President Vicente “Tito” Sotto III nga nakadawat siya’g sulat gikan ni Senador Ronald dela Rosa nga nangayo og pahintulot nga magamit ang Senate Mansion sa Baguio City gikan Marso 26 hangtod 29, 2026.
Segon ni Sotto, gamiton sa pamilya ni Dela Rosa ang mansion isip temporaryong puluy-anan samtang nagpadayon sa syudad ang CAFP Cup 2026.
Wala pa makasiguro si Sotto kung giaprubahan na ba ang maong hangyo, apan iyang gipasa na kini ngadto sa Senate Secretariat aron hatagan sa hustong aksyon.
Dugang pa ni Sotto, dili kini ang unang komunikasyon nga nadawat sa Senado gikan ni Dela Rosa sukad sa iyang pagtagotago.
Giingon usab niini nga nakapirma ang senador sa Senate Resolution No. 343 nga giaprubahan sa Senado niadtong Miyerkules.
