Sa talagsaong higayon, gipanawagan ni Pope Leo XIV ang tanan sakop sa prensa sa tibook kalibutan, kalabot sa iyang hangyo, ning panahon sa krisis sa lana.
Ang opisina sa the Holy See mingon nga si Papa Leo nag-awhag sa mga personalidad sa radyo ug TV nga ipabati ug ipakita ang kasakit ug pag-antos nga dala sa gubat.
Mihangyo ang Santo Papa nga unta mapadayag ang makatuoran ug malikayan ang pagpanghambog sa gubat.
Iyang gipasabot nga ang impormasyon dili angayan mahimong propaganda nga nagpasikat sa gahum.
Gani, sa iyang lab-as nga pakigkita sa publiko, iyang gipadayag nga unta ang media nga dili mahimong “megaphone” sa mga gamhanan nga buot mokontrolar sa kalibutan.
Alang sa Santo Papa ang tinood nga katuyuan sa balita mao ang paghatag sa tsansa mga makatingog ang mga biktima ug mga tawo nga nag-antos.
Iya usab gihangyo nga ang mga report sa gubat ipakita gikan sa panan-aw sa katawhan nga naapektuhan.
