Gipamugos sa geopolitical analyst nga si Herman Tiu Laurel, nga ipapahawa na ang presensya sa mga US military bases sa Pilipinas aron makabalik ang tinuod nga pag-uswag sa ekonomiya sa nasod.
Sa iyang interbyu sa Bombo Radyo giingon niya nga ang mga Amerikano ug ilang kasabwat nga mga oligarko nagpabilin nga nakabenepisyo samtang ang katawhan nag-antos sa kakuwang sa panginabuhi.
Iyang gi-dungag nga ang tinuod nga liderato nga makapawala sa nasod gikan sa kalisod gipugngan sa impluwensya sa mga kaalyado sa administrasyon.
Iyang gi-awhag ang publiko nga mamata ug bantayan ang mga lihok sa gobyerno aron masiguro nga ang interes sa nasod ug katawhan mauna.
Gipasabot usab ni Laurel nga panahon na aron magbago ang liderato sa nasud ug mapatuman na ang tinuod nga economic development alang sa katawhan. (by James Oliver)
