Gisingil sa mga kabatan-unan ang gobyerno kung asa ang resulta sa imbestigasyon sa pagpangita sa nakurakot nga salapi sa nasud. Kini human nabati sa grupo nga gipasa sa gobyerno ang tanan kalisdanan sa mga katawhan, ning panahon sa krisis.
Gusto ni Cobbie Jan Canda, spokesperson sa Kabataan Partylist Southern Mindanao nga unta ibalik sa mga kawatang opisyal sa gobyerno ang mga maleta nga napadala kanila, ug ubang pang nakurakot nga salapi aron gamiton kining ayuda sa mga naipit sa kamahal sa presyo sa produktong petrolyo.
Gibutyag ni Canda nga kada tuig adunay P1.97-Bilyon ang makurakot nga government funds, wala pay labot niini ang halos P1-Trilyon nga pondo nga ilang makurakot gikan sa mga bugos flood control projects.
