Natingala ang grupo sa mga kabataan kung nganong gipamugos ni Presidente Ferdinand Marcos Jr nga anaa pa sa normal nga sitwasyon ang Pilipinas.
Namahayag si Cobbie Jan Canda, spokesperson sa Kabataan Partylist Southern Mindanao nga wala na saktong huna huna ang presidente nga dili man sakto ang iyang paglantaw sa mga tawong naglisud.
Siya miingon nga tataw kaayo nga wala nabati sa presidente ang bug-at nga galastuhon sa presyo sa lana unya bugti-an lang sa gamay nga pletihan. Kini ang rason nga gipanawagan sa grupo ni Canda nga maghiusa ang katawhang gidaug daug kay ang pagpakusog sa panawagan maoy usa sa gahum sa mga kabus.
Una niini, gitinguha ni Canda nga madungog sa gobyero ang yangu-ngo sa mga apektadong drivers sa nagsamot ka mahal nga presyo sa lana, dungan sa panawagan nga patas-an usab ang suhulan sa mga mamumuo nga apektado usab sa pagsaka sa presyo sa batakang palaliton.
