Gi-tratar na sa gobyerno sa Pilipinas ang ilegal nga pagmina-mina isip usa sa seryosong problema sa nasud. Gipasabot ni Atty. Michelle Olaivar nga nakahatag kini sa lapad nga kadaut sa kayutaan, ug kinaiyahan.
Si Olaivar miingon nga sa Mindanao, tataw na ang epekto sa iligal nga aktibidad sa kasubaan kundiin nahimo nang polluted ang tubig nga gikan dinhi ug nagkaubos ang kalidad sa tubig tungod sa debris ug kemikal gikan sa pagmimina.
Ang opisyal misulti nga ang ilegal nga mining walay regulasyon, busa human sa operasyon, mobiya lang ang mga nagbuhat niini, nga nagpasamot sa peligro sa pagbaha. Daghang lugar nakasinati og grabe nga pagbaha bisan wala pa moabot ang signal number 3 sa weather authorities.
Ang kadaut dili lang limitado sa kinaiyahan apan apil usab ang pang-adlaw-adlaw nga kinabuhi sa mga residente.
Busa, gi-awhag ni Atty. Olaivar ang lokal ug national nga ahensya nga mohimo og madali ug epektibo nga aksyon batok sa ilegal nga pagmimina aron maprotektahan ang kinaiyahan ug ang katawhan sa Mindanao.
Dugtong niini, gipasabot ni Olaivar nga ang illegal mining usa sa ilang prayoridad ilawom sa fourth focus operation, nga giila nilang economic sabotage.
Lakip sa ilang operasyon ang smuggling ug uban pang ilegal nga kalihokan nga nakaapekto sa ekonomiya. Sumala sa Republic Act 12312 o Anti‑POGO Act, ang PAOCC maoy nagdumala sa pagpanguna sa pagpapatuman niini.
Lakip usab sa ilang focus ang pagsukol sa organized crimes ug pagbatok sa korapsyon sa gobyerno.
Ang tibuok operasyon nagtinguha sa pagpanalipod sa nasud batok sa kadaut sa ekonomiya ug kriminalidad. (by Jane Mae Abulag)
