Gi-regaluhan ni Belarusian President Alexander Lukashenko sa otomatik nga pusil si North Korean leader Kim Jong Un.
Miingon si Lukashenko nga simbolo kini sa iyang pakighigala atol sa iyang unang opisyal nga pagbisita sa Pyongyang.
Nagkaninabiay sa dyutay nga panahon ang duha ka lider ug insigida nga gisulayan ni Un ang gihatag nga armas.
Human niini, nagpinirmahay ang duruha sa “friendship and cooperation treaty” nga nagtimaan sa mas lig-on nga relasyon sa duha ka nasud. Sa gamay nga seremonya, mikomedya pa si Lukashenko nga magamit ni Kim ang pusil kung mutunga ang iyang mga kaaway.
Hisayran nga ang paghinigalaay sa duha ka lider nagpamatood nga walay presyur nga makababag kanila ug hiniusang mipakitag suporta sa kang Russian President Vladimir Putin sa giyera sa Ukraine.
