Gipasigarbo sa buhatan sa PHIVIDEC ang maayong performance sa ilang pantalan tungod sa dakong pagsaka sa volume sa kargamento ug kita sa ahensya.
Sumala ni PHIVIDEC-IA (Industrial Authority) Administrator Atty. Joseph Donato Bernedo, misaka pag-ayo ang operasyon sa pantalan hangtod nakaabot kini sa full capacity tungod sa padayon nga pagdagsa sa mga shipment.
Dugang pa niya, nakaapekto usab ang diversion sa ubang shipment gikan sa Davao-Bukidnon road nga nahagsa sa landslide, hinungdan sa temporaryong congestion sa pantalan.
Apan, gipahayag ni Bernedo nga nasulbad na sa ilang buhatan ang maong kahimtang pinaagi sa koordinasyon sa mga broker ug hapsay nga pagdumala sa operasyon.
Busa, nagpadayon ang positibong dagan sa pantalan nga nagpakita sa lig-on nga papel niini sa ekonomiya sa rehiyon. (written by James Oliver)
