Padayon ang presensya ug pagsaka sa rabies sa syudad bisan pa sa ginabuhat nga mga lakang sa lokal nga gobyerno aron mapugngan kini.
Sumala ni Dr. Rod Grayson V. Baylor, usa ka veterinarian ug coordinator sa LGU rabies program, ang transmission sa rabies kasagarang mahitabo pinaagi sa kagat o garas gikan sa infected nga hayop nga posibleng makatakod sa tawo.
Dugang pa niya, bisan ang yano nga scratch o bite mahimong delikado busa kinahanglan dayong limpiyohan ug ipatan-aw sa Animal Bite Center aron malikayan ang komplikasyon.
Gipatin-aw usab ni Baylor nga adunay naitalang mga kaso sa rabies sa Cagayan de Oro ug padayon kini nilang ginamonitor aron dili na mosamot.
Busa, gidasig niya ang mga pet owners nga mahimong responsableng tag-iya pinaagi sa pagpa-bakuna sa ilang mga alagang hayop ug pag-atiman niini aron maprotektahan ang komunidad.(by James Oliver)
