Mas giingon nga mas importante ang pagtambong sa simbahan ilabi na karong Semana Santa kaysa pagsaka sa mga pilgrimage sites o pagsalig lamang sa online nga pag-apil sa mga espiritwal nga kalihukan.
Sumala ni Wilson Amad, usa ka catechist, bisan pa og daghang pilgrimage sites ang ginabisitahan sa uban, iyang gipasabot nga mas dako gihapon ang kahulugan sa aktwal nga presensya sa simbahan diin magkatigom ang katawhan sa pag-ampo ug pagpamalandong sa pulong sa Ginoo.
Dugang pa niya, dili ikumpara ang espiritwal nga kasinatian sa social media sa tinuod nga pag-apil sa komunidad sa simbahan.
Gipasabot usab niya nga kung dili man makaadto sa pilgrimage sites tungod sa kainit sa panahon, mas maayong pilion ug iprayoridad ang pagtambong sa simbahan aron mapalalom ang pagtuo sa Dios.
Sa katapusan, giingon ni Amad nga ang aktibong pag-apil sa mga kalihokan sa simbahan maoy tinuod nga diwa sa pag-obserba sa Semana Santa
