Nagsugod nah baklay ang mga turista ug deboto sa Camiguin Island karong Semana Santa.
Mao kini ang gitin‑aw ni Christopher Toping Rodriguez, kanhi kapitan sa Barangay Bonbon, Catarman, nga nakamatikod sa padayon nga pagdagsa sa mga bisita sugod pa sa pag‑abri sa semana hangtod sa kadulom sa matag gabii.
Dugang pa niya nga ang maong kalihokan kasagaran mahitabo matag tuig diin daghang deboto ang mopadayon sa ilang pagbisita bisan ulahing oras na.
Gipasabot usab ni Rodriguez nga nagpamatood kini nga bisan pa sa giatubang nga krisis sa lana ug pagtaas sa presyo sa palaliton tungod sa gubat sa Middle East, nagpabilin gihapon nga timaan ang pagdagsa sa mga deboto nga ang tinuod nga pagtuo dili mapugngan sa bisan unsang krisis.
Sa katapusan, giingon ni Rodriguez nga ang pagpanaad sa mga deboto matag Semana Santa nagpamatuod sa ilang lig‑on nga pagtuo ug padayon nga debosyon. (JAMES OLIVER)
