2 tripolante patay sa drone attack sa kadagatan sa Russia

Duha ka tawo ang namatay human sa drone attack sa usa ka dry cargo ship nga nagkarga og trigo sa Azov Sea, sumala sa report sa TASS nga gikuha gikan sa Russian emergency services.

Ang barko nga Volgo-Balt type adunay 11 ka tripulante ug nahimutang mga 300 milyas (482.8 km) sa amihanan sa Kerch sa oras sa insidente.

Siyam ka tripulante ang na-evacuate gamit ang capsule lifeboat nga unya nadala sa baybayon sa Kherson region.

Una niini, gipahibalo ni Kherson regional head Vladimir Saldo nga ang siyam ka crew members, tanan Russian citizens, nakit-an na sa baybayon.

Hisayran nga ang insidente nagpakita sa padayon nga risgo sa maritime security sa rehiyon.

Kini nga hitabo nagdugang kabalaka sa kalihukan sa Black Sea ug Azov Sea nga naglangkob sa pagkaon ug suplay.