Dili muminos sa unom ka tawo ang namatay ug 19 ang nasamdan sa serye sa Israeli airstrikes sa habagatang Lebanon gikan Domingo sa gabii hangtod Lunes sa buntag.
Sa Bazourieh, siyam ka airstrikes ang nareport hangtod alas 5 sa buntag nga nakapatay ug usa ka tawo ug nakasamdan ug 18 pa, samtang nagpadayon ang search-and-rescue operations.
Sa Nabatieh al-Fawqa, usa ka batan-on ang namatay sa airstrike, ug laing usa ang patay sa Sir al-Gharbiyeh, samtang duha pa ang napatay sa Shoukine.
Ang Hezbollah mitubag pinaagi sa drone attacks ug rocket barrages batok sa Israeli forces, lakip na sa Kiryat Shmona barracks, Mays al-Jabal, ug Tahrir Triangle. Ang krisis nagpadayon sa pagtaas sa tensiyon sa utlanan sa Lebanon ug Israel.
