Gitin-aw ni Atty Hillary Olga Reserva nga dili segunda nga petisyon ang ilang gisang-at sa Korte Suprema, nga susama ang tonada sa petisyon nga unang gisang-at ni Atty Israelito Torreon kalabot sa impeachment complaints proceeding nga gipahigayon sa House Committee on Justice.
Sa exclusive interview sa BOMBO RADYO kang Atty Reserva, iyang gitin-aw nga aduna silay lehitimong nga katungod nga mu-apil sa proseso pinaagi sa pagpasaka sa petition-in-intervention.
Ang tumong niini mao ang paghatag sa tingog sa civil society sa diskusyon ug desisyon sa Korte Suprema kalabot sa impeachment complaints nga giatubang sa House Committee on Justice.
Sa legal nga konteksto, ang petition-in-intervention dili managsama sa orihinal nga petisyon, apan usa ka paagi aron ang laing partido nga adunay interes mahimong kabahin sa kaso.
Kini nagpasabot nga wala sila nagdoble sa argumento ni Torreon, apan nagdugang sa perspektiba gikan sa sektor sa katawhan
