Kinahanglan ipa-ubos sa rebyu ni Presidente Ferdinand Marcos Jr tanan ang angayan buhaton sa Pilipinas aron dili na masubli ang pagnihit sa supply sa lana kun mubutho ang laing gubat sa Middle East.
Kini ang sugyot sa ekonomista nga si kanhi Misamis Oriental Vice Governor Joey Pelaez sa pakighinabi sa BOMBO RADYO.
Miingon si Pelaez nga lisud kaayo ang sitwasyon nga dependent ang Pilipinas sa mga nasud nga mukuhag lana nga muagi pa sa strait of Hormuz.
Hinoon, nagtoo si Pelaez nga nakakita nag laing trading partner ang Department of Energy gikan sa mga nasud nga naglangkob sa Organization of the Petroleum Exporting Countries o OPEC, lakip na ang barato nga lana gikan sa Russia, Singapore, Malaysia ug bisan sa Amerika nga dili na muagi sa gi-awayan nga agi-anan sa dagat sa Iran ug US.
Mirekomendar ang ekonomista nga panahon na nga magbaton sa kaugalingong oil refinery ang Pilipinas aron makaminus sa pag-import sa lana.
