Walay moral! Mao kini ang paghulagway ni MASA Sara Duterte Alliance (MASADA) founding convenor Ben Ranque sa posibleng pag-uyon sa mga kongresista nga ipa-impeach si Vice President Sara Duterte.
Namahayag si Ranque sa Bombo Radyo nga ang mga kongresista kinahanglan gamiton ang ilang konsensya ug ibase ang ilang boto sa kagustohan sa ilang mga constituents, dili sa personal nga interes o sa ngalan sa pondo.
Gihulagway usab ni Ranque nga “blood money” ang giingong kapalit sa pagbotar aron ma-impeach ang bise presidente. Gipalamdagan niya ang mga kongresista nga dili ibaligya ang ilang boto ug dapigan ang kagustohan sa katawhan.
Naghinaot si Ranque nga ipalabay nalang unta sa mga kongresista ang ilang personal nga interes ug unahon ang kapakanan sa publiko.
