Mihangyo ang grupong MASA Sara Duterte Alliance (MASADA) sa mga kongresista sa syudad nga paminawon ang tingog sa katawhan nga dili mubotar sa impeachment batok kang Vice President Sara Duterte.
Gipamugos ni MASADA lead convenor Ben Ranque nga bisan karon lang nga panahon ipakita nila ang suporta sa ilang kababayan nga taga-Mindanao.
Naghinaot ang MASADA nga dili baliwalaon sa mga kongresista ang posibilidad nga adunay ikaduhang presidente nga maggikan sa Mindanao.
Dugang pa ni Ranque, angay lamang nga magkaiusa ang mga katawhan sa Mindanao sa tinguha sa kalambuan.
Matod pa niya, hangtod nga walay taga-Mindanao nga mulingkod, mailiwit ug dili mahatagan prioridad ang mga panginahanglan sa rehiyon.
Busa, iyang gihangyo ang mga kongresista sa syudad ug sa tibuok Mindanao nga paminawon dili lang ang MASADA apan apil na ang tingog sa ilang mga constituents.
