Wala pa’y kasiguruhan apan pulso sa katawhan ang gibasihan ni Atty. Franklin M. Quijano sa PDP Laban Iligan City kung ma-impeach ba gayud si Vice President Sara Duterte sa mahitabong impeachment trial.
Matod sa abogado, dako gihapon ang posibilidad nga ang desisyon sa Senado mag-agad sa konsensya sa matag senador ingon man sa suporta ug baruganan sa katawhan nga ilang girepresentahan.
Gipasabot usab niya nga ang dakong pangutana karon mao kung makab-ot ba sa impeachment complaint ang gikinahanglang ihap sa boto aron mapalagpot sa puwesto ang Bise Presidente.
Dugang pa ni Quijano, kung dili makompleto ang gikinahanglang numero sa Senado, posible nga mapakyas ang impeachment complaint ug magpabilin si VP Sara Duterte sa iyang katungdanan.
