Patay sa gilusad nga military airstrike sa Gaza City ang giila nga labing beterano ug labing taas nga military commander sa Hamas nga si Izz al-Din al-Haddad, nga nailhan usab sa alyas nga “The Ghost Commander” tungod sa iyang kaidlas ug abilidad sa paglikay sa mga operasyon sa Israel.
Gitumbok kini sa Israeli Defense Force (IDF) isip utok sa pag-atake sa Israel niadtong Oktobre 7, 2023, nga nagresulta sa daghang biktima ug bihag.
Lakip sa namatay, kagahapon, ang iyang kapikas, anak, ug laing upat pa ka sakop sa Hamas, human sa usa ka “precise airstrike” atake, segun sa IDF.
Gikompirmar sa paryente ni Haddad ang narekober nga lawas sa lokasyon sa insidente, nga nagpasabot sa dakung kawad-on sa Hamas ug posibleng mosangpot sa dugang tensiyon ug pagbinaslanay sa rehiyon.
