Gihangyo ni kanhi Bayan Muna Representative Atty. Kaloi Zarate ang Senado nga dili i‑dismiss ang impeachment apan hatagan og higayon si Bise Presidente Sara Duterte nga makasaysay sa iyang habig taliwala sa mga alegasyon nga giatubang.
Matod pa niya, pinaagi sa maong proseso, masabtan sa publiko ug sa ikaduhang pangulo ang tinuod nga nahitabo sa gipasangil nga paggasto sa confidential funds ug uban pang isyu.
Gipahayag sa abogado nga kung mapakyas ang bise presidente sa pagpatin‑aw, magpabilin ang pagduda sa katawhan nga gigamit kini sa ilegal nga paagi o nalambigit sa gitawag nga ill‑gotten wealth.
Alang kang Zarate, alang sa kaayohan sa bise presidente, sa katawhan, ug sa tibuok nasod, mas maayong madayon ang trial samtang naglingkod isip impeachment court ang Senado.
