Gikompirmar ni Richard Dragon, focal person sa Northern Mindanao Regional Athletics Association (NORMIN-RAA) nga andam na ang 20 ka delegasyon nga mulangkob sa Palarong Pambansa 2026 ipahigayon sa Prosperidad, Agusan del Sur gikan Mayo 24 ang adlaw sa engrande nga opening ceremony hangtud sa hangtod Mayo 31.
Si Dragon miingon nga ang billeting area sa mga atleta sa Cagayan de Oro nahimutang sa Bayugan City ug maayo man ang pasilidad sa ilang mga lawak nga katulgan.
Hisayran nga ning tuiga, adunay kapin tolo ka tunghaan ang gigamit isip billeting area sa mga tinun-an ug dili suliran ang pagtransport kanila sa ilang mga mga sporting venue.
Kini gilangkoban sa mga airconditioned nga mga pampublikong tunghaan sa Bayugan, Prosperidad, San Francisco, ug uban pang lungsod. Tanan belliting area gibutangan sa CCTV, booster pumps, ug Starlink Wi-Fi.
Hisayran nga sa pag-abot sa mga delgado, gisugat sila sa sayaw gikan sa tribo Manobo.
