Sa labing unang higayon, namahayag si Papa Leo XIV batok sa mga kompanya nga nagapangita sa makalilipong nga kinitaan luyo sa grabeng kadaot sa kinaiyahan, atol sa iyang pagbisita sa Acerra, Italy, usa ka lugar nga nailhan isip “Land of Fires” tungod sa iligal nga paglabay ug pagsunog sa toxic waste nga giatiman sa Camorra mafia.
Sa iyang pastoral nga pagbisita maisugon nga mitambang ang Santo Padre sa katawhan sa kalibutan nga isalikway ang mga tentasyon sa gahum ug pagpaningkamot nga makakwarta pinaagi sa mga binuhatan nga naghatag polusyon sa yuta, tubig, hangin ug sosyal nga pakig-uban.”
Ang maong rehiyon sa Campania, duol sa Naples, giingon nga adunay mas taas nga kaso sa kanser ug uban pang sakit tungod sa dugay na nga polusyon nga nagsugod pa sukad 1988, ug giila sa European Court of Human Rights nga kapakyasan sa gobyerno sa Italya sa pagpanalipod sa mga residente.
Si Papa Leo personal nga nakigkita sa mga pamilya nga nawad-an sa mahal sa kinabuhi tungod sa maong polusyon ug giingon nga gusto niyang tigumon ang mga luha sa mga biktima, ug iusa kinig bubo pinaagi sa iyang pag-ampo nga sila makapahulay na dayon sa laing kalibutan ug uban ni Hesu Kristo.
Sa iyang pagbisita, ang mga residente nagdala sa mga litrato sa ilang mga minahal nga namatay na
