Gilaraw ni Mylene Cabalon, ang National President sa BPO Industry Employees Network, ang padayon nilang panawagan alang sa 36,000 pesos nga minimum wage sa mga trabahante sa entry level.
Una niini, nasayran nga naka-file na ang maong balaudnon sa kongreso pinaagi sa Magna Carta for BPO, diin gi-sponsoran kini ni Senator Raffy Tulfo sa Upper House.
Sumala pa ni Cabalon, dili angay ikabalaka sa mga kumpanya ang maong suholan tungod kay ang industriya sa BPO nakatala og kita nga moabot sa 40 bilyones dolyares niadtong tuig 2025.
Dugang pa niini, gipanghimakak niya ang rason sa mga employers nga dili nila kini kaya tungod kay ang mga BPO mga dagkong transnational ug multinational nga kumpanya.
Busa, tungod sa dako nga natampo sa mga BPO workers sa ekonomiya, angayan lang nga hatagan sila og hustong suholan nga makapabuhi kanila.
