Milusad ang TESDA ug Diageo Philippines sa programa aron tagaan ang mga Filipinong bartender sa edukasyon ug training pinaagi sa “Diageo Masterclass Series”.
Kini nga programa magdugang sa mga de-kalidad nga leksyon sa kasamtangang Bartending NC II sa TESDA, sama sa mga modernong trend sa mixology ug pagdumala sa bar.
Tumong niini nga iandam ang mga trabahante para sa mga hotel, resort, ug high-end nga mga bar sa sulod ug gawas sa nasod.
Gihimo kini tungod kay mas andam mogasto ang mga turista sa mga dapit nga nagtanyag og nindot ug premium nga serbisyo sa pagkaon ug ilimnon.
Hisayran nga ang kasabotan gipirmahan didto sa Taguig City nila ni TESDA Secretary Kiko Benitez ug Diageo Philippines General Manager Rachanatorn Laohaphan.
