Gitakda nga mulusad sa Senate Blue Ribbon Committee hearing ang grupo si Senator Alan Peter Cayetano karong alas-10 sa buntag kalabot sa flood control scam.
Ubos sa unang kamanduan ni SP Cayetano, napili si Senador Rodante Marcoleta, isip mangulo sa Blue Ribbon Sub Committee nga maoy mu-sumpay sa wala pa mahuman nga hearing sa flood control project scandal ni kanhi Blue Ribbon Chair Panfilo Lacson.
Ang partial report ni Lacson napasa na sa Office of the Ombudsman niadtong Mayo 12.
Ang report nagbaton lamang sa 6–7 ka pirma, apan kulang pa sa 9 ka required signatures aron ma-file ug ma-sponsor sa plenaryo.
Mao kini ang hinungdan nga gipasa diretso sa Ombudsman imbes nga ipaagi sa Senate plenary.
Mahinumduman nga, kagahapon, gi-anunsyo usab ni Blue Ribbon Committee Chairperson Erwin Tulfo nga itakda ang bag-ong hearing sa Hunyo 8, adlaw’ng Lunes.
