Mipasidaan ang usa ka scientist sa Brazil nga posibleng mo-break og rekord ang umaabot nga El Niño sa katapusang bahin ning tuiga.
Tungod niini, nanawagan siya og dinalian nga pagpangandam alang sa gilauman nga grabeng ulan ug baha sa habagatnang bahin sa Brazil.
Matod sa mga eksperto, mosamot pa kakuyaw ang epekto sa maong phenomenon tungod sa nagpadayong climate change o pagkausab sa klima sa kalibotan.
Mahibaloang gawas sa grabeng ulan sa Brazil, ang maong El Niño gilauman usab nga magdala og dili normal nga panahon ug grabeng kainit sa nagkadaiyang nasod. (riza budlao)
