Gihinayon sa Senate Blue Ribbon – Sub Committee ang ilang gitakda nga hearing alang sa flood control anomaly, karong adlawa.
Gipanguluhan ni Senador Rodante Marcoleta ang hearing, human siya ang napili nga chairman sa sub committee ubos sa komitiba ni Blue Ribbon Committee (BRC) Chairman Senador Pia Cayetano.
Ang hearing gitambungan sa 18 ka mga kanhi marino ug miyembro sa Philippine Army isip resource person, kauban sa ilang legal counsel ni Atty Levito Baligod.
Anaa usab si Senate President Alan Cayetano, Loren Legarda, Imee Marcos, ug Senador Robin Padilla.
Sa pagbukas sa sesyon, gi-anunsyo ni Marcoleta nga ilang napadad-an sa imbitasyon si kanhi House Speaker Martin Romualdez, mga executive ug personal assistants ni kanhi Ako Bicol Partylist Representative Zaldy Co, ug uban pang nalambigit sa pagbahin bahin sa pondo sa flood control projects sa Department of Public Works and Highways (DPWH) ug sa uban pang ahensya.
Gikasubo ni Marcoleta ang walay pagtahud sa mga gipatawag nga personahe.
Hisayran nga ang komite adunay 17 ka miyembro apan, maihap ra sa kamot ang mitambong nga mga senador.
Una niini, mismo ang bag-ong Senate Pro-Tempore Sherwin Gatchalian ang nagpatawag sa press conference ug mi-ingon nga walay mahitabong hearing ning adlawa, kay gi-reschedule kini sa bag-ong BRC Chairman Erwin Tulfo sa Hunyo 8.
