Na-implikar na ang ngalan ni Presidente Ferdinand Marcos Jr, anak nga si Congressman Sandro ug kapikas nga si First Lady Lisa Araneta sa testimonya ni kanhi Philippine Marine Sargeant Belnard Tube.
Sa gilusad nga senate hearing kalabot sa pagbahin-bahin sa pondo sa flood control projects, personal nga gipangutana ni Presidential Sister ug Senador Imee Marcos si Tube kung unsa katinood ang iyang report nga nahatdan sa maleta nga puno sa salapi, ang iyang igsoon, nga si President Marcos.
Miingon si Tube nga eskorte siya ni kanhi Congressman Zaldy Co dihang naghatud silag maleta padulong sa Paoay Ilocos Norte.
Lakip daw sa iyang nakita ang presidente, anak nga si Sandro ug ang unang ginang, samtang dungan nanihapon. Gani, aduna pa daw silay mga litrato kauban sa first family.
Hisayran nga usa si Tube sa gibutyag sa Armed Forces of the Philippines (AFP) nga dishonorably discharged sa serbisyo
