Nagbayaw ang mga katawhan sa New York human madag-an sa New York Knicks ang Game 1 sa best of seven series sa NBA Finals batok San Antonio Spurs.
Sa gawas sa times square, nagtapok ang ilang mga fans kay gi-broadcast ang dula sa big screen.
Natapos ang dula sa final score 105-95, pinaagi sa clutch performance ni Jalen Brunson nga nakapuntos sa 30 puntos.
Gawas kang Brunson, namuntos usab si Karl-Anthony Towns pinaagi sa iyang 18 puntos ug 12 rebounds, ug si OG Anunoby nakahatag sa 17 puntos.
Si Josh Hart nagpakita sa dako nga kontribusyon sa depensa ug hustle plays nga adunay 15 rebounds, 6 assists, ug 4 steals.
Sa pikas bahin, si Victor Wembanyama mao ang top scorer sa Spurs nga adunay 26 puntos, 12 rebounds, ug 3 blocks, apan naglisod sa shooting (6-of-21) ug nakahimo sa unom ka turnovers.
Si Julian Champagnie nakapuntos sa 16 puntos, samtang si Stephon Castle ug Devin Vassell nakahatag sa 17 ug 9 puntos, apan si De’Aaron Fox limitado lang sa 7 puntos.
Kini nga kadaugan naghatag sa Knicks sa 12th straight playoff win ug nakapahimo kanila nga makakuha ang 1-0 lead sa Finals series.
Ang Spurs kinahanglan nga makabawi sa Game 2 aron dili sila ma-pressure sa series deficit.
