Atubangan sa gipahigayon nga Senate hearing ni Senator Alan Peter Cayetano, miangkon ang testigong si Bernard Gumban usa sa mga 18 nga kanhi myembro sa Philippine Marines nga kaduha siya naghatod og mga maletang puno sa minilyong kwarta ngadto mismo kang Senator Erwin Tulfo.
Gibutyag ni Gumban nga sa unang delivery, duha ka maleta nga ‘small’ ug ‘medium’ ang iyang gidala nga adunay sulod nga 20 – 25 milyones, ug 40 – 50 milyones pesos.
Mokabat sa kinatibuk-ang 60 – 70 milyones pesos ang maong transaksiyon sa unang delivery pa lamang sumala sa kumpirmasyon ni Senator Cayetano.
Gawas niini, gipadayag pa sa testigo nga aduna pay ikaduhang higayon nga naghatod siya og laing 6 ka maleta ngadto gihapon sa nahisgutang senador.
Samtang, hugot nga gihimakak ni Senator Erwin Tulfo ang maong mga pasangil ug gitawag kini nga usa ka dakong bakak ug planong propaganda lang batok kaniya. (jane abulag)
