Nipis ra ang tsansa nga makasulod sa bayrus sa Ebola sa mga nasud sa Europa. Miingon ang European Center for Disease Prevention and Control (ECDC) nga ang risgo sa Ebola infection sa publiko sa European Union nagpabilin nga ubos kaayo, bisan pa sa nagkadako nga outbreak sa Central Africa.
Wala pa’y kaso nga na-import sa EU hangtod karon, sumala sa ECDC director nga si Pomea Randy Vagnner.
Bisan pa man, giingon niya nga seryoso gihapon ang outbreak tungod kay nahitabo kini sa lugar nga puno sa kagubot ug kakulang sa seguridad.
Ang virus nga nalambigit mao ang Bundi Bucho, nga wala pa’y lisensyadong bakuna o espesipikong tambal.
Sa Democratic Republic of Congo ug Uganda, adunay na’y 332 kumpirmadong kaso, 49 nga namatay, ug 116 nga ginasusi pa nga kaso.
Ang Ebola mosangko pinaagi sa lawas nga likido sa naimpeksyon ug makapahinabo og hilanat, suka, diarrhea, ug grabe nga pagdugo. (jane abulag)
