Lig-on ang kumpiyansa ni Senate President Alan Peter Cayetano nga nagpabiling tibook ug solido ang ilang han-ay bisan sa pagbalhin ni Senador Francis Chiz Escudero sa bag-ong mayorya sa Senado.
Subay sa interview sa Bombo Radyo Philippines, human sa gilusad nga Blue Ribbon Committee hearing, nagtuo si Senador Cayetano nga usa ra ang prinsipyo sa mga nabilin nga miyembro sa ilang grupo ug, kini mao ang pagtinabangay sa paghimo sa mga desisyon nga ilang tan-aw nga husto alang sa institusyon.
Gi-angkon usab niini nga bug-at ang iyang gibati sa mga panghitabo sa senado ilabe na sa bangi sa posisyon sa pagka senate president.
Alang kaniya, kung siya lang ang masunod, mas gusto pa unta niyang kuhaon na lang ang isyu sa liderato tungod sa kalisod nga giatubang sa iyang mga kaalyado samtang siya kuno ang nakit-an nga labing nakapahimulos sa ilang baruganan
