Namatay sa multiple-stab wounds o daghang dinunggaban sa lawas ang sikat nga Hollywood actor nga si James Handy didto sa Tarzana, California USA.
Subay sa report ang 81 anyos nga beteraning aktor gipatay sa anak sa iyang hinigugma niadtong Hunyo 3 sa gabie.
Ang suspek naila nga si Michael Glendhill, 44 anyos.
Paspas nasikop ang suspek human ma-report ang insidente.
Paslak na sa Van Nuys Jail ang anak sa iyang hinigugma, ug kasamtangang gipasakaan sa kasong murder.
Ang iyang kaso adunay gi-rekomendar nga bailbond sa balor $2 milyon.
Si James Handy, naila sa iyang papel sa pelikulang Top Gun: Maverick (2022), Jumanji (1995), ug Arachnophobia (1990), kundiin nagsugod ang iyang showbis career sa 1977 ug mitala sa 14- screen credits sa telebisyon, ug pelikula sulod sa upat ka dekada.
Una niini, nahibulong ang Los Angeles Police District (LAPD) sa tinubagan sa suspek nga gipatay niya ang tawong maksasala.
Wala na mibutyag ang suspek kung unsa ka daku ang sala nga nahimo ni Handy batok kaniya ug sa iyang inahan.
