Mipasabot sa publiko ang Cagayan de Oro Water District (COWD) sa mga rason sa pagtaas sa singil sa balayrunon sa tubig sa syudad.
Sa pakighinabi sa BOMBO RADYO, namahayag si Dr. Gerry Cano, chairman of the board sa COWD, siya miingon nga gumikan kini sa nadugang nga gasto sa operasyon ug pagmentinar sa pasilidad.
Si Cano, mi-ingon nga kinahanglanon ang adjustment aron masiguro ang padayon nga serbisyo ug kalig-on sa supply sa tubig.
Nagmahal na ang presyo sa materyales nga gigamit sa distribusyon.
Giapil usab ang panginahanglan sa pondo alang sa mga proyekto sa modernisasyon ug pagpalambo sa water system.
Gipangayo sa COWD ang pagsabot sa publiko tungod kay ang usbaw makatabang sa paghatag sa mas lig-on ug mas limpyo nga tubig.
Ang board nagpasalig nga transparent ang proseso ug nga ang tanang kolektadong bayad ibalik sa pamaagi nga makabenepisyo sa komunidad.
