Gikumpirma kagahapon sa estado sa Maine ang kadaugan sa Democratic candidate nga si Graham Platner sa bag-o lang nahuman nga US Senate primary election.
Si Platner, kinsa nailang beterano sa militar, mao na karon ang opisyal nga mohagit sa dugay nang naglingkod nga Republican Senator nga si Susan Collins karong umaabot nga Nobyembre.
Giisip sa mga eksperto sa pulitika nga krusyal ang maong lumba tungod kay dako kini og impluwensya sa mamahimong balanse sa gahum sa tibuok US Senate.
Bisan pa man sa mga giatubang nga personal nga kontrobersiya sa milabay nga mga bulan, nakuha gihapon ni Platner ang solido nga suporta gikan sa mga prominenteng lider sa iyang partido.
Tungod niini, gilauman sa mga eksperto ang usa ka hugot ug grabeng panagsangka sa Maine, nga giila isip usa sa mga nag-unang battleground states sa Amerika. (riza budlao)
